The tagalog word "hintay" hintayin o maghintay meaning to wait or to anticipate.
HINTAY
Lawrence Avillano
araw-araw na puno ng hamon
inaabot nang maghapon ang pagbangon
kung buong akala ay humakbang na
libong dipa ang layo ng gabi sa umaga
ang agam-agam ay nakakalat sa landas
ginagapang ng segundo bawat oras
dahil hindi ko alam kung dapat ba 'kong lumiko
katulad ng di pagkaalam kung ba't naririto pa ako
nagiinat, naghihikab
hinahanap ang paglingap
nang-uuyam ang paglimas
sa bawat tinakdang oras
kailan muling makikita
hinahanap na pagsinta
o dalwa daw!?
nagtatlo na
ngayo'y apat
baka lima
limang taong singkad ba 'kong
maghihintay ng ligaya
No comments:
Post a Comment